नेपाली चलचित्र क्षेत्रमा राते काईलाको नामले परिचित अभिनेता सुनील थापाले सलमान खान प्रोडक्सनको चलचित्रमा काम गर्ने भएका छन्। उनले नेपालीसँगै बलिउड चलचित्रमा पनि काम गरेका छन् । सन् १९६४ मा चेतन आनन्दको चर्चित चलचित्र ‘साहिब बहादुर’ बाट उनले बलिउडमा डेब्यू गरेका थिए । पछिल्लो पटक उनी चलचित्र‘मेरी कोम’ मा अभिनेत्री प्रियंका चोपडाको गुरु बनेका थिए ।
यसपछि, सुनिलले बलिउड चलचित्रमा काम गरेका छैनन् । अब, भने उनलाई बलिउड नायक सलमान खानको प्रोडक्शनबाट बन्न लागेको नयाँ चलचित्रबाट अफर आएको छ । ‘क्वाथा’ नामक चलचित्रमा सुनिलले काम गर्ने चर्चा चलेको छ । यो बिषयमा सुनिल भन्छन्–‘हो, मेरो कुराकानी भैसकेको छ । मौखिक रुपमा हामी काम गर्ने बिषयमा पक्का छौ । तर, लिखित सहमती भैसकेको छैन ।’उनी चाँडै मुम्बई गएर कागजी रुपमा चलचित्र सम्झौता गर्ने सोचमा छन् । जनवरीदेखि ‘क्वाथा’ को छायांकनमा व्यस्त हुने उनले बताए ।
‘क्वाथा’बाटै बलिउड अभिनेत्री क्याटरिना क्याफकी बहिनी इसाबेल क्याफले डेब्यू गर्न लागेकी हुनाले चलचित्र प्रतीक्षित बनेको छ। आयुष शर्माको मुख्य भूमिका रहने चलचित्रको निर्देशन करर भुटानीले गर्दैछन् ।
