गत शनिवार चर्चित हाँस्य कलाकार किरण केसी उर्फ ‘राता मकै’ को ४० बिघा जग्गा कब्जा गरेको खबर बाहिर आएको थियो । तर उक्त खबर झुटो रहेको उनको भनाइ छ । केसीले वैद्य माओवादीले कब्जा गरेको जग्गामा आफ्नो संलग्नता नरहेको बताएका छन् । ट्वान्टी वान ग्रुपको सो जग्गाको उनी ब्रान्ड एम्बेस्डर मात्र हुन । ट्वान्टी वान ग्रुपको मात्र नभएर आफू अन्य कुनै पनि संघ संस्था सँग आबद्ध नरहेको उनको अभिव्यक्ति छ । वैद्य माओवादीले शनिवार प्लटिंग गरिएको जग्गामा पार्टीको झन्डा तथा ब्यानर गाडेर कब्जामा लिएको घोषणा गरेको थियो l माडी नगरपालिका २ स्थित पौहारीमा रहेको ४० बिघा जग्गा कब्जा गरिएको हो। माडी नगरपालिका २ स्थित पौहारीमा रहेको जग्गा सकुम्बासीले पाउनुपर्ने भन्दै आफूहरूले कब्जामा लिएको वैद्य माओवादीले जनाएको छ। रियल स्टेट कम्पनी ट्वान्टी वान ग्रुपले सो जग्गा प्लटिंग गरेको थियो ।