मिलन चाम्सको निर्देशनमा बन्न लागेको चलचित्र ‘गोर्खा वारियर’को टेस्ट टिजर सार्वजनिक गरिएको छ।उनले आफ्ना च्यानल मार्फत सार्वजानिक गरेको दृश्य चलचित्रको ‘स्क्रिन टेस्ट’ का लागि लिइएको हो । सार्वजनिक दृश्यमा गोर्खालीको वीरतालाई लिएर विश्वका प्रसिद्ध हस्तीले दिएको भनाइ र गोर्खालीले सेवा गरिरहेको रेजिमेन्टको बारेमा समेत उल्लेख गरिएको छ । निर्देशक चाम्सको यो ड्रिम प्रोजेक्ट हो । लन्डन सिने आइ प्रोडक्सनको ब्यानरमा निर्माण हुने चलचित्रको कथा प्रदिप भारद्वाजले लेखेका हुन् ।
सन् २०२१ मा विश्वभर प्रदर्शन हुने भनिएको चलचित्रमा दयाहाङ राई, प्रशान्त तामाङ, वर्षा सिवाकोटी, बुद्धि तामाङ, विजय लामा, माओत्से गुरुङ, कविता आले, रुपा पुनसँगै हलिउड कलाकारहरुको पनि अभिनय रहनेछ । यो चलचित्रबाट प्रशान्तले ‘परदेशी’ रिलिजको ४ वर्षपछि नेपाली चलचित्रमा कमब्याक गर्ने भएका छन् । त्यस्तै, यस चलचित्रबाट रितेश चाम्सले नायकको रुपमा डेब्यू गर्दैछन् ।चलचित्रमा गोर्खालीको वीरतालाई फिल्मी शैलीमा प्रस्तुत गरिनेछ भने यसको मेकिङ अन्तराष्ट्रिय स्तरको हुनेछ । चलचित्रको आधा काम हलिउडका प्राविधिकले गर्नेछन् । चलचित्रको सार्वजनिक दृश्य मार्फत आम दर्शकको प्रतिक्रिया पाइने भएकाले उनले यसलाई युट्युब मार्फत सार्वजनिक गरेका हुन् ।
