भारतले नेपालको भूमी प्रयोग गर्दै बाटो बनाएपछि यतिबेला नेपालमा यसको चर्को विरोध भइरहेको छ । यो घटनाको चर्को विरोध नेपाली चलचित्रका कलाकारहरुले पनि गरिरहेका छन् । सरकारले भारतद्वारा अतिक्रमित भू–भाग समेटेर तयार पारिएको नयाँ नक्सा आज सार्वजनिक गर्ने भएको छ । यसैविच, बलिउडमा लामो समय काम गरेकी नेपाली अभिनेत्री मनिषा कोइरालाले नेपाल सरकारले नयाँ नक्सा पारित गरेको विषयमा एउटा ट्विट गरेकी छिन् । नेपालका परराष्ट्रमन्त्री प्रदीप ज्ञवालीले नेपालको नयाँ नक्सा पारित भएको विषयमा गरेको ट्विटलाई मनिषाले रि-ट्विट गरेकी छिन् । उनले त्यसमा लेखेकी छिन्, ‘हाम्रो सानो देशको आत्मसम्मान कायम राख्न सफल भएकोमा धन्यवाद । अब हामी तीन महान देशहरुबीच शान्तिपूर्ण र सम्मानजनक संवादका लागि आशावादी छौं ।’
![](https://scontent.fktm1-1.fna.fbcdn.net/v/t1.15752-9/98342554_621420375249654_6156387237115199488_n.jpg?_nc_cat=104&_nc_sid=b96e70&_nc_ohc=l1E4r4vSGt8AX-QEYzY&_nc_ht=scontent.fktm1-1.fna&oh=ebbb3bb028d7430bfe4af420d59fcfe5&oe=5EEB2774)
तर मनिषाको सोहि ट्विट देखेर भारतीय मिडियाले उनको चर्को आलोचना गरेका छन् । एबीपी टेलिभिजनले ‘खाति भारतकी ओर गाति चीनकी’ भन्दै समाचार प्रसारण गरेको छ । चीनको इशारामा मनिषा कोइरालाले यो ट्विट गरेको उक्त समाचारमा दाबी गरिएको छ ।‘मनिषाले जेजति नाम कमाएकी छिन्, त्यो भारतले दिएको हो । तर आज उनी खुलेर नेपालको समर्थनमा उत्रेकी छन् ।
![](https://www.koshionline.com/wp-content/uploads/2020/05/news-768x385.jpg)
नेपालको सरकारले जारी गरेको विवादास्पद नक्सालाई तारिफ गरेका छिन्,’ सो टेलिभिजनले भनेको छ ।समाचारमा प्रधानमन्त्री केपी शर्मा ओलीले नेपालमा भारतबाट आएको भाइरस कडा भएको विषयमा गरेको टिप्पणीमाथि पनि आपत्ति जनाइएको छ ।