चलचित्र विकास बोर्डले आज चलचित्र विकास बोर्डको नवरस कक्षमा एक कार्यक्रम गर्दै चलचित्रसँग सम्बन्धी अध्ययन, अनुसन्धान एवं विद्धतवृत्तिका लागि प्रोत्साहन गर्न छात्रवृत्ति प्रदान गरेको छ । चलचित्र विकास बोर्डका अध्यक्ष दिनेश डिसीले छात्रवृत्ति वापतको रकम विद्यार्थिहरुमाझ कार्यक्रम गर्दै संवन्धीत कलेजलाई हस्तान्तरण गर्नुभएको छ ।
अध्यक्ष डिसीले माध्यमिक र स्नातक तहको विद्यार्थिहरुको छात्रवृद्धि ओस्कार ईन्टरनेशनल कलेजको संयोजक नवनिधि दहाल, नेपाल फिल्म क्याम्पस तथा नेपाल संगीत विद्यालयको तर्फबाट प्रिन्सीपल शिशिर उप्रेतिले विद्यार्थिहरुको छात्रवृत्ति वापतको रकम हस्तान्तरण गर्नु भएको हो । विद्यार्थिहरुको छात्रवृत्तिको कार्यक्रम २०६१ सालबाट सुरु भएता पनि यसबर्षबाट अध्यक्ष दिनेश डिसीको वहालिपश्चात माध्यमीक तहमा अध्ययन गर्न चाहने विद्यार्थिले पनि छात्रवृत्ति पाउने व्यवस्था गरिएको हो ।
यस अघि विद्यावारिधिमा दुई जना, स्नातकमा १० जना र सर्ट कोर्ष २ जनालाई दिने गरिएको भएता पनि यस बर्षबाट विद्यावारिधितर्फ ३ जनालाई, स्नातकमा १३ जनालाई र माध्यमिक तर्फ ५ जनालाई छात्रवृद्धि प्रदान गर्ने निर्णय गरिएको छ ।
