गएको वर्ष नै दुई पटक इन्गेजमेन्ट गरिसकेका अभिनेता आयुष्मान देशराज जोशी र अभिनेत्री प्रियंका कार्कीले कानुनी रूपमा विवाह गरेका छन् । फागुन १६ गते शुक्रबार सामाजिक परम्परा अनुसार वैवाहिक जीवनमा बाँधिने तयारीमा रहेको यो जोडीले बिहीबार कानुनी विवाह अर्थात् कोर्ट म्यारिज गरेका हुन् ।
![](https://scontent.fktm8-1.fna.fbcdn.net/v/t1.0-9/s960x960/88044037_10158049486100295_2166683015101546496_o.jpg?_nc_cat=1&_nc_sid=110474&_nc_ohc=tLBtURdmbm0AX9TOvJg&_nc_ht=scontent.fktm8-1.fna&_nc_tp=7&oh=c9b03e958890d019a21d410a0c4e3898&oe=5EBAED12)
बिहीबार जिल्ला अदालत ललितपुर पुगेर उनीहरूले कानुनी विवाह गरेका हुन् । अदालत परिसरमै उनीहरूले एक अर्कालाई मालासमेत लगाइदिएका छन् । विवाहको माहौल सृजना गर्दै मङ्गलवार उनीहरूले मेहेन्दी सङ्गीत लगायत रिवाज पुरा गरिसकेका छन् ।
आज कानुनी विवाह गरेकी नायिका प्रियंका कार्कीको आज नै जन्मदिन पनि परेको छ । विवाहको सँघारमा प्रियंकाले आज आफ्नो ३३ औँ जन्मदिन मनाएकी छिन् । चर्चित ‘आयांका’ जोडी अब शुक्रवार परम्परागत विवाह गर्दै छन् । प्रियंकालाई जन्मदिन तथा वैवाहिक जीवनको शुभकामना!!