‘फाटेको जुत्ता’ फेम्ड निर्देशक निकेश खड्काको निर्देशनमा बनिरहेको चलचित्र ‘चपली हाइट ३’ को ३२ दिनमा छायांकन सम्पन्न भएको छ। तर एक गीत भने खिच्न बाकि रहेको निर्माणपक्षले बताएको छ ।
सस्पेन्स थ्रीलर कथामा निर्माण गरिएको चलचित्र ‘चपली हाइट ३’लाई काठमाण्डौ र यसको आसपासको क्षेत्रमा खिचिएको छ । टिमको लगाव र मिहेनतका कारण चलचित्रको छायांकन छिट्टै सकिएको निर्माता कुमारले बताए ।
स्वस्तिमा खड्का, सुपुष्पा भट्ट, आमिर गौतम, महेश त्रिपाठी, प्रतिक श्रेष्ठलगायतका कलाकारहरुको अभिनय रहने यो चलचित्र आउँदो चैत २८ गते प्रदर्शन हुने निधो भएको छ । अब, यो चलचित्रको बक्सअफिसमा चलचित्र ‘प्रेमगीत ३’ सँग भिडन्त हुनेछ । नाम नै ब्रान्ड बनिसकेको यस चलचित्रमा स्वस्तिमा-महेश र सुपुष्पा-प्रतिकको जोडी बाँधिएको छ । ‘चपली हाइट ३’ लाई अर्जुन कुमार फिल्मस् र केडिसी हस्पिटलले मिलेर निर्माण गरेका हुन् ।
