एक दशक अघि सविन कार्कीको परिकल्पनामा स्थापना भएको डान्स ग्रुप ‘कार्टुन क्रु’ले आजसम्म आइपुग्दा बजारमा राम्रो ठाउँ लिइरहेको थियो ।यो समुहको लिडर थिए, सविन । समुहमा ७ जना थिए जसमा सविन, सरोज अधिकारी, आश्मा विश्वकर्मा, विकाश राई, राम गुरुङ, लाक्पा लामा र सुविन चौहान थिए । विभिन्न कारणले उनी ग्रुपबाट बाहिरिए ।
सविन निस्किएपछि सरोजको नेतृत्वमा आश्मा, लाक्पा, राम, विकाश र सुविनले लगातार भिडियोको काम गरिरहेका थिए । यो ग्रुपको डान्स र भिडियोले दर्शकको मन जितिरहेको थियो । बिचमा विकास टिमबाट निस्किए र उनको ठाउँमा साजन चौहान आए । कभर भिडियोबाट यात्रा सुरु गरेको क्रुले म्युजिक भिडियोहरुमा पनि राम्रो छाप छाडिरहेको थियो । क्रुका भिडियोले युट्युबमा लाखौँ भ्यूज कमाउन थाले भने सरोज र आश्मा सेलिब्रेटी बनिसकेका थिए ।
तर पछी क्रुका लाक्पा डी लामालेपनि समुह छाडे । उनले आफ्नो युट्युब च्यानलबाट एक भिडियो पोष्ट गर्दै क्रु छाडेको जानकारी दिए । त्यहाँ उनले आफूलाई समुहको कुनै साथ नभएको र आफू ब्याकग्राउन्ड डान्सरको रुपमा सिमित रहेकाले क्रु छाडेको उल्लेख गरेका छन् । उक्त भिडियो सार्वजनिक भएपछि सरोज र आश्माले भिडियो बनाएर कार्टुन क्रुको युट्युब च्यानलमा पोष्ट गरे । जहाँ उनीहरुले लाक्पा, राम, सुविन र साजनले समुह छाडेको उल्लेख गरेका छन् ।
क्रु छोडेका ४ जनाले एउटा भिडियो तयार गरेका छन् । लाक्पाकै च्यानलबाट सार्वजनिक भएको भिडियोमा लाक्पा, राम, सुविन र साजनले सरोज र आश्माप्रति निकै रिस पोखेका छन् । युट्युब कमाइदेखि डान्स स्टुडियोबाट आएको पैसाको हिसाब आफूहरुलाई नदेखाएको उनीहरुले आरोप लगाएका छन् ।
हामीले पैसाको हिसाब माग्यो भने अनेक बहाना बनाउथ्य । स्टुडियोबाट आएको पैसा माग्यो भने रिसेप्सनलाई सोध भन्थे । रिसेप्सनको काम त पैसा उठाउने मात्र हो नि । आखिर लिने त सरोज नै हुन् नी । उनले कहिल्यै पैसाको हिसाब देखाएनन् ।’ यत्रो डेढ वर्षसम्मको कमाई आफूले ५० हजार मात्र पाएको उनले गुनासो गरेका छन् ।
भिडियोमा सविनको विषयमा पनि बोलेका छन् । उनीहरुले भनेका छन्, ‘सविन दाई हाम्रो समुह लिडर हुनुहुन्थ्यो । तर, उहाँलाई छोडेर अरुको विश्वास गर्नाले हामीबाट गल्ती भएको हो ।’ उनीहरुले भिडियोमा सविन र कार्टुन क्रुलाई धन्यवाद पनि भनेका छन् ।
सरोज र आश्माले बनाएको भिडियोमा क्रु छोड्दै गर्दा हरेकले पैसा पाएको उल्लेख छ । हरेक भिडियोबाट आएको पैसा बराबर बाडेको सरोज र आश्माले बताएका थिए । तर, छुट्टिएका ४ जनाले उक्त कुरा पनि गलत भएको उल्लेख गरेका छन् । सुविनले भनेका छन्, ‘भिडियोबाट आएको पैसा जम्मा गरेर नै हामीले स्टुडियो बनाएका हौँ । जुन अहिले हाम्रो रहेन ।’
