मेलम्चीको इन्द्रावती नदीले भत्काएको संरचना पुननिर्माणका लागि आर्थिक सहायता जुटाउन सरकारले अभिनेता कृष्ण मल्लको संयोजनमा समिति गठन भएसँगै अभिनेत्री करिष्मा मानन्धरले सहयोगको घोषणा गरेकी छिन् । बाढीपीडित बासिन्दालाई वर्षायाममा ओत लाग्ने छानोको व्यवस्था होस् भन्दै उनले एक लाख रुपैयाँ सहयोगको घोषणा गरेकी हुन् । उनले सबैले सकेको सहयोग गर्न समेत आब्हान गरेकी छिन् । शनिवार राजधानीमा सिन्धुपाल्चोकका कलाकार, नवनियुक्त स्वास्थ्यमन्त्री शेर बहादुर तामाङ, जिल्ला विकास समितिका सभापति कृष्णगोपाल तामाङ, मेलम्ची न. पा.का मेयर डम्बर बहादुर अर्याल र हेलम्बु गाविसका प्रतिनिधिबीच छलफल भएको थियो । सिन्धुपाल्चोकको संरचना निर्माणका लागि सहायता आह्वान गर्ने विषयमा समितिको बैठक यही असार १० गते बस्ने भएको छ ।