निर्देशक दीपेन्द्र के खनालको निर्देशनमा बन्न लागेको चलचित्र ‘चिसो मान्छे’मा अभिनेत्री स्वस्तिमा खड्का फाइनल भएको खबर बाहिरिएको छ । मुख्य भूमिकामा फाइनल भएकी स्वस्तिमा र निर्माणपक्षबीच केही दिन अगाडि मात्र सम्झौता भएको बताइएको छ । स्वस्तिमा चलचित्रमा अनुबन्धित भएको खबर बाहिर आएपनि निर्माण टिमले यस विषयमा कुनै औपचारिक घोषणा भने गरेको छैन ।
निर्देशक खनाल र नायिका खड्काले चलचित्र ‘लभ लभ लभ’मा एकसाथ काम गरेका थिए । शर्मिला पाण्डेको लगानीमा निर्माण हुने चलचित्रलाई ११ भदौ २०७८ मा रिलिज गरिने भएको छ । ‘चिसो मान्छे’ पछि दीपेन्द्रकै निर्देशन र शर्मिलाको लगानीमा ‘लकडाउन’ निर्माण गरिने भएको छ ।
