विश्वभर महामारीको रुपमा फैलिएको कोरोना भाइरसको संक्रमणबाट बच्न नेपाल सरकारले बिहीवारबाट देशभरका सिनेमा हलहरु बन्द गर्ने निर्णय गरेसँगै चैत र बैशाख दोस्रो सातासम्म प्रदर्शनका लागि तयारी अवस्थामा रहेका नेपाली चलचित्रको रिलिज भद्रगोल भएको छ । बिहीवारबाट सम्पूर्ण सिनेमा हल बन्द भएपछि निर्माताहरु चलचित्रको प्रदर्शन सार्न बाध्य भएका छन् ।
![](https://scontent.fktm3-1.fna.fbcdn.net/v/t1.15752-9/90339350_2530314870562687_6543559447719968768_n.jpg?_nc_cat=100&_nc_sid=b96e70&_nc_ohc=NMkBsbXccc8AX9CUT7p&_nc_ht=scontent.fktm3-1.fna&oh=0bdb8571ae5d2f545f92a7728ea40ddf&oe=5E9840E1)
यही चैत २८ गतेलाई प्रदर्शन मिति घोषणा गरिएको निकेश खड्का निर्देशित सस्पेन्स-थ्रिलर जनरामा निर्माण भएको फिल्म ‘चपली हाइट ३’ को पनि प्रदर्शन रोकिएको छ । निर्माता अर्जुन कुमारले हल बन्द भए मात्र चलचित्र सार्ने बताएका थिए । निर्माण पक्षले एक विज्ञप्ति जारी गर्दै सरकारले चालेको कदमलाई आत्मसाथ गर्दै अर्को सूचना न आए सम्मको लागी चलचित्रको प्रदर्शन मिति स्थगित गरिएको बताएको छ ।
यो चलचित्रमा सुपुष्पा भट्ट , स्वस्तिमा खड्का, अर्पण थापा, महेश त्रिपाठी, प्रतिकमान श्रेष्ठ, दीपाश्री निरौला, लक्ष्मी बर्देवा, जीवन भट्टराई, लोकेन्द्र लेखक, विशाल पहारीलगायतका कलाकारहरुको अभिनय छ । आकाश बरालको पटकथा तथा संवाद रहेको चलचित्रमा सुभाष भुषाल र अर्जुन कुमारको संगीत छ । अष्ट महर्जनले चलचित्रको एक्सन दृश्यको कोरियोग्राफी गरेका हुन् ।