सुरज पाण्डेको डेब्यु निर्देशनमा निर्मित चलचित्र ‘परस्त्री’को नयाँ रिलिज डेट तय गरिएको छ । कोसिस क्षेत्री, शिल्पा मास्के, गौरव विष्ट, अलिसा क्षेत्री, आशान्त शर्मा अभिनित चलचित्र २०८० को असार १५ मा रिलिज हुनेछ । यसअघि कार्तिक ६ र फागुन १९ को डेटबाट पछाडी हटेको चलचित्रले राष्ट्रिय धान दिवसलाई प्रदर्शन मिति तय गरेको हो ।
विवाहेत्तर सम्बन्धले निम्त्याउने पारिवारिक र सामाजिक संकटको कथाबस्तुमा निर्माण भएको चलचित्रमा काठमाडौं र मुस्ताङमा छायांकन गरिएको हो । निरज पाण्डेले को छायांकन गरेका हुन् ।
डीएस डिजिटलको ब्यानरमा निर्माण भएको चलचित्रमा दीपेन्द्र के खनाल र शर्मिला पाण्डेले निर्माणमा सहकार्य गरेका छन् । खनाल चलचित्रका लेखकसमेत हुन् । प्राविधिक कार्य सम्पन्न नभएकाले चलचित्रको रिलिज २०८० सालको लागि तय गरिएको निर्माण पक्षले जानकारी दिएको छ ।
