उज्यालो नेपालका अभियन्ता नेपाल विद्युत प्राधिकरणका कार्यकारी निर्देशक कुलमान घिसिङको जीवनी प्रेरित म्युजिक भिडियो सार्वजनिक गरिएको छ । राज के गोस्वामीको स्वर रहेको ‘बादलहरु’ बोलको गीतको भिडियो सार्वजनिक गरिएको हो । गीतको रचना अभिनेत्री सुरक्षा पन्तले गरेकी हुन् भने सङ्गीत मानव सुवेदीको छ ।
नेपाली टचको प्रस्तुतिको रहेको गीतको भिडियोले गाउँमा बिजुली ल्याउन संघर्ष गर्ने एक इन्जिनियर र ऊसँग जोडिएका थप दुई पात्रको कथा प्रस्तुत गर्छ । कथामा गाउँमा बिजुली ल्याउन प्रयत्नरत इन्जिनियरको असामयिक निधनपछि गाउँकै घरेलु इन्जिनियरले उसको त्यो अपुरो काम पूरा गरेको देखाइएको छ । सुरक्षा पन्तकै पटकथा रहेको भिडियोलाई मानव सुवेदीले निर्देशन गरेका हुन् ।
ओएसआर डिजिटलको युट्युब च्यानलमार्फत् सार्वजनिक भएको गीतको भिडियोमा सुशील सापकोटाको छायांकन छ भने सम्पादन मानव स्वयंको छ ।
