गायक आदित्य नारायणलाई सन्तान लाभ भएको छ । आदित्यकी श्रीमती अभिनेत्री श्वेता अग्रवालले २४ फेब्रुअरीमा मुम्बईको एक अस्पतालमा छोरीलाई जन्म दिएकी हुन् । दम्पतीले आफ्नो पहिलो बच्चा, छोरीलाई फेब्रुअरी २४ मा स्वागत गरे तर सबैलाई घोषणा भने आज गरेका हुन्। आफ्नो विवाहको तस्विर इन्स्टाग्राममा सेयर गर्दै आदित्यले लेखेका छन्, ” भगवानले २४.२.२२ मा हामीलाई एउटी सुन्दर छोरीको आशीर्वाद दिनुभएकोमा श्वेता र म अत्यन्तै कृतज्ञ महसुस गर्छौँ ”
आदित्य र श्वेताले जनवरीमा तस्बिरमार्फत आफ्नो गर्भावस्थाको घोषणा गरेका थिए । करिब एक दशक डेटिङ गरेपछि आदित्य र श्वेताले डिसेम्बर २०२० मा मुम्बईमा विवाह गरेका थिए । इन्डियन आइडल १२ को एक एपिसोडमा, आदित्यले शापितको सेटमा श्वेतालाई देख्दा यो उनको लागि कस्तो ‘पहिलो नजरमा प्रेम’ थियो भन्ने खुलासा गरेका थिए।
बम्बे टाइम्ससँग कुरा गर्दै आदित्यले आफू छोरीको बुवा आशाम रहेको बताए । उनले भने, ‘अहिले हामी आमाबुवा भएकामा श्वेता र म निकै धन्य छौं। आदित्यले थप सेयर गरे कि श्वेताले बच्चा जन्माउँदा उनीसँगै थिए र उनी अहिले उनको “बल र लगनशीलता” देखेर चकित छन्। उनले भने, ‘अब श्वेताप्रति मेरो माया र सम्मान दोब्बर भएको छ ।
